programming lecture (1) 8/2/2015

المحاضرة الأولى من مادة البرمجة

المحاضرة كانت عبارة عن مقدمة للمنهج.
و الدكتور قال مش هياخد غياب ^____^.
و مفيش كتاب للمادة 0.0.
الموجود عبارة عن مذكرة للمعمل، وفيها الشيتات، ونماذج امتحان فاينل وميدترم.
و من نفس المكان اللي اشترينا منه الكتاب قبل كده (معمل علوم اساسية الدور الرابع).

المحاضرة كانت عن:

1. محتويات المنهج اللي هندرسها، و اللي هي:

أساسيات اللغة زي الـ Loops, Functions, Arrays, Pointers, ....etc
بعد كده هندخل في مفهوم الـOOP، اللي الكورس معمول اساسا عشانه.
و هندرس مبادئه : الوراثة (Inheritance)، و الكبسلة (Encapsulation)، و تعدد الأشكال(Polymorphism).
و بعد كده لو بقي وقت هنكمل شوية في البرمجة بلغة الجافا، و كيفية عمل الـ Java Applets.

2. توزيع درجات المنهج، و هي كالتالي:

- التحريري، و عليه 90 درجة

- الشفوي(العملي)، و عليه 30 درجة

- أعمال السنة، و اللي هي :

15 ميدترم(مش محتاج تفصيل)،،، 10 معمل(شيتات و كلام من ده)،،،

5 مشاركة في المحاضرة(كويز مثلا)

3. تفصيل بسيط لمحتويات و أبرز العناوين الموجودة في المنهج زي:

الـ Class و الـObject، و علاقتهم ببعض.
بعد كده نبذات سريعة عن الـ Inheritance، و الـ Encapsulation، ثم الـ Polymorphism

4. الاختلاف بين الـ C، و الـ C++ عن طريق مثال بسيط.

نفس اللي تقدر تنفذه بالسي++ هو اللي هتقدر تنفذه بالسي مع اختلاف الطريقة

و شكل الكود نفسه، و مقدار الصعوبة اللي هتواجهها.

5. البرنامج اللي هنستخدمه السنة دي، Visual Studio 2008،

قال ان في اسطوانة للبرنامج هتكون مع مذكرة المعمل اللي هتنزل، و بعد كده شرح

طريقة عمل برنامج جديد باستخدامه.
*** سألت الدكتور لو استخدمنا برامج تانية، قال عادي مش مهم نوع البرنامج اللي هتستخدمه طالما هتعرف تشتغل بيه.

و أخـيــــــــراً:

محتويات المحاضرة اللي اتقالت النهارده كلها كلام بسيط جدا، و لو في أي حاجة مش واضحة

مش تقلقو، مع الحضور و التركيز والمتابعة أول بأول، الدنيا هتكون زي الفل، لأن كل حاجة اتقالت

انهارده هتتشرح بالتفصيل الممل ع مدار الترم ان شاء الله.

ودي المحاضرة الأولى اللي الدكتور شرحها النهارده، بس دي من منهج السنة اللي فاتت،

فهتلاقي اختلافات طفيفة و مش واضحة اوي.