بسم الله الرحمن الرحيم
النجاح والتفوق هدف محتاج خطه مناسبه لتنفيذه
الخطه ان شاء الله هنساعد بعض من اول الدراسه وهيبقى متاح للجميع محاضرات كل المواد بالاضافه للسكاشن واللى هيتشرح فيها بالاضافه الى تلخيص وشرح كل جزء هيتشرح فى كل ماده سواء تلخيص كتابى للفهم او اسئله وحلها بمعنى ادق هنحاول مع بعض نلم كل ماده بكل اللى هيتقال فيها سواء محاضره او سكشن او كتاب او تلخيص وكمان هننظم سكاشن مجمعه مع بعض نشرح فيها لبعض المواد الاجزاء اللى هنحتاجها فى كل ماده.
ان شاء الله هينزل بشكل دورى حاجه كده نقدر نسميها (حصاد الاسبوع)
حصاد الاسبوع:عباره عن ملفات PDF هيكون نظامه كالتالى .
1/اسم الملف حصاد الفتره من يوم كذا ليوم كزا لماده كذا وليكن مثلا من يوم 8/2 ل يوم 20/2
2/هتبدأ تلاقى اول ماده محاضرتها مكتوبه وبعد كده سكشنها لو متاح معلومات ف السكشن زياده وبعدها ان شاء الله تلخيص يغطى الجزء اللى تم شرحه ف المحاضرة بطريقه مبسطه قدر الامكان وبعدها مثال او اتنين للتوضيح (لو كان طبعا فى مسائل او امثله مش جزء نظرى) وفى اخر الماده بعد ما تخلص هتلاقى صفحه تقولك اهم النقاط الموجوده ف الجزء ده.
3/بعد كده هتلاقى ملف تانى لماده تانيه ماشى بنفس السيستم وهكذا حسب عدد المواد اللى علينا هتلاقى ملفات (حصاد الاسبوع) بعدد المواد اللى علينا.
طب لو حد مننا مش بيعرف يذاكر PDF ؟!
ساعتها هنشوف ارخص مكتبه نسيب فيها (حصاد الاسبوع) عشان اللى يحتاجه يصوره ويستفاد ويعرف هو خد ايه والاسبوع ده كان بيتكلم عن ايه فكل المواد وكل دكتور وقف لحد فين فى مادته ويبقى متابع اول بأول اللى بيحصل
ملحوظه:وراد جدا (حصاد الاسبوع) يتأخر يوم او اتنين حسب التنظيم والكم اللى هيكون مقرر علينا ف الفترة دى وبالتالى مش عاوزين حد يزعل او يقلق ان شاء الله قدر الامكان هيكون فى ميعاده جاهز ع الجروب ك PDF و ف المكتبه اللى هنختارها ك ورق.
بالنسبه للسكاشن المجمعه هنبتديها على حسب حاجتنا ليها ان شاء الله.
دى خطتنا ونتمنى انها تعجبكم ان شاء الله ولو حد عنده اى اضافه يا ريت يقولها ونستفاد من آراء بعض.
الهدف : اننا كلنا نقرب من ال Full Mark على اد ما نقدر وربنا يوفقنا جميعا.
خارج الموضوع تحويل الاكوادإخفاء الابتساماتإخفاء